Es wèrkmethood veur de Limbörgse lies vaan wäörd veur ’t dictionairprojek same te stèlle, weure alle gesjreve bronne doorzeuk veur wäörd, citaoten en gezègkdes. Beuk, romans, gediechte, kemediestökke, (kemikke) opera’s, musicals, ledertekste, gezètte-artikele, websites en sommege academische tekste in de Limbörgse spraok zien e deil vaan de bronne die gebruuk weure veur eus dictionairprojek. Veur d’n alderierste kier weurt ‘n open source biejeinzeumering samegestèld veur ‘n complete lies vaan dees werke te sjaffe. Hoonderde werke zien tot noe touw biejeingezeumerd gewore en Geer weurt genuujd te contribuere aon de greujende lies vaan titels op eus open source biejeinzeumering. Veer zien Mw. Leonie Robroek, veurzitter van de Stichting DOL en d’n Hier P. Lardinois zier erkintelek veur d’n touwgank tot hun collecties dee zie us gegeve höbbe veur de samestèlling vaan dees lieste.

De lies vaan Limbörgse wäörd weurt biejeingezeumerd op groond vaan gedrökde Limbörgse bronne, zoe wie ouch ’t internèt. Eder woord moot vaan dees bronne aofkomsteg zien en de bron zelf moot es rifferentie gegeve weure. Veur wäörd, citaote en gezègkdes vaan dees bronne touw te veuge moot de spelling wie door d’n auteur gebruuk aongehawwe weure. Redacteurs zörge daan veur de spelling devaan volges de officieel Limbörgse spelling oet 2003 en beslete euver de touwveuging aon de master database.

’n Ummertouw greujend bewies vaan de vitaoliteit vaan eus taol is ’t touwnummend aontal websites op ze Limbörgs. Vaan Wikipedia tot informatie euver Limbörg en zien historie, z’n spraok, allewijlege locaol eveneminte, de vastelaovend en väöl aander oonderwerpe vinde hun oetdrökking op ze Limbörgs op ’t internèt. Veer beje links nao dees sites, die us ouch mie bronmatriaol veur eus dictionairprojek, zoe wie inziech in ’t modern gebruuk vaan de spraok versjaffe.

Väöl rifferentiewerke in de zin vaan dictionairs zien vaan de Limbörgse spraok d’r dialekte gepubliceerd gewore. ’n Min of mie complete lies is op eus open source biejeinzeumering besjikbaar. Dees werke weure veur eus dictionairprojek geconsulteerd. Veur häör contributie aon dees lies zien veer Mw. Robroek es veurzitter vaan de Stichting DOL ouch zier erkintelek.

Limbörgs is ouch de meis oonderzeukde regionaol spraok binne Nederland. Väöl beuk en artikele zien gepubliceerd geworen euver spraokkundege, sociaol en historische aspekte vaan de spraok. Rifferenties nao oonderzeuk kinne op eus open source gevoonde weure.

Dit gedeilte vaan eus site vertèlt Uuch mie euver wie veer wèrke. De navigatiebalk aon de linkerkant informeert Uuch euver euzen aonpak en de versjèllende instruminte, die veer veur eus projekte gebruke. G’r vint hei ouch ’ne link nao de open source biejeinzeumering mèt hölpbronne van tekste gesjreve op ze Limbörgs en euver Limbörgs. Es G’r aon eus open source biejeinzeumering zouwt wèlle touwveuge, duit ezzebleef hei veur registratie en heizoe veur wijer informatie.