Limbörgs

Limbörgs is ’n Wes-Germaonse spraok, die door mie es ei miljoen lui gesproke weurt. Zien kortsbijstaonde spraoke zien Hollands, Duits en Ingels. Geografisch strèk de Limbörgse spraok z’ch oet euver ’t grensgebeed van westelek Belsj, zuid-oostelik Nederland en e klei gedeilte vaan aonpaolend Duitsland. Frans-praotend Belsj ligk in ’t zuie. Limbörgs bevint z’ch daomèt op ’t kruuspunt vaan de groete Germaonse en Romaonse culture. In de jaore 1990 heet de Nederlandse regering zoe wie de Belsj regionaol regering vaan ’t Waoleland polletiek en juridisch Limbörgs es apaarte spraok erkind.

Spraokkundig steit Limbörgs apaart vaan aander Wes-Germaonse taole vaanwege zien opmèrkelike distinctief toenaoliteit. Ouch ziene woordsjat, grammair en klanklier zètte ’t apaart vaan de twie groeter naoberspraoke Hollands en Duits. Zjus zoe wie Cattalaons, wat spraokkundig gelege is tösse de twie groeter spraoke Castilliaons-Spaons en Frans, is Limbörgs gelege tösse Hollands en Duits. Dees kleinder Europese taole - Cattalaons en Limbörgs - deile hunnen oerspunk mèt die groeter spraoke, meh höbbe hun eige, oonaofhankelike oontwikkeling gekind.

Limbörgs kint ouch z’n eige sjrieftraditie, die trök veurt tot in eder geval 900 nao 0. D’n ajds-gevoonden teks is de Wachtendonck Codex. Tösse de 11de en 14de iew kaom oet Limbörg de mies hoegstaonde Europese literatuur, mèt Henric vaan Veldeke es ein vaan zien topsjrievers. Tot aon de 15de en 16de iew woort Limbörgs in väöl deile vaan Limbörg es ambsspraok gebruuk. Vaanaof de 19de iew gief ’t ’n literair renaissance vaan de spraok, woebij e groet oeuvre vaan romans, gediechte, kemediestökke, kemikke opera’s, musicals, popleder, gezètte-artikele en sommige academische tekste gesjaffe zien gewore. ’n Ummertouw greujend bewies vaan de vitaoliteit vaan de taol is ’t touwnummend aontal websites op ze Limbörgs.

Dit gedeilte vaan eus site gief Uuch antwoorde op vraoge die-t G’r euver ’t Limbörgs en Limbörg höb. De navigatiebalk aon de linkerkant veurt Uuch kort door neet allein aspekte vaan de spraok, meh gief ouch get historische, polletieke, juridische, spraokkundige en sociologischen achtergroond.